August Wilson

August Wilson
Bizitza
Jaiotza	Pittsburgh, 1945eko apirilaren 27a
Herrialdea	Ameriketako Estatu Batuak
Bizilekua	Saint Paul Seattle August Wilson House (en)
Talde etnikoa	afro-amerikarra
Heriotza	Seattle, 2005eko urriaren 2a (60 urte)
Hobiratze lekua	Greenwood Cemetery (en)
Heriotza modua	berezko heriotza: gibeleko minbizia
Familia
Ezkontidea(k)	Constanza Romero  (1994 -  2005eko urriaren 2a)
Hezkuntza
Heziketa	Central Catholic High School (en) Pittsburgheko Unibertsitatea : humanitateak
Hizkuntzak	ingelesa
Jarduerak
Jarduerak	antzerkigilea, gidoilaria eta poeta
Jasotako sariak	ikusi John Simon Guggenheim Memorial Foundation beka National Humanities Medal  (1999) Drama Desk Award for Outstanding Play  (1987) Pulitzer Saria Antzerkian  (1987) : Fences (en) Tony Award for Best Play  (1987) Whiting Awards  (1986) Drama Desk Award for Outstanding Play  (1990) Pulitzer Saria Antzerkian  (1990) : The Piano Lesson (en) St. Louis Literary Award  (1991) American Book Awards  (1992) Laurence Olivier Award for Best New Play  (2002) Anisfield-Wolf Book Awards  (2005) Black Literary Hall of Fame  (1998ko urria) Black Filmmakers Hall of Fame  (1991)
Kidetza	Ameriketako Estatu Batuetako Arte eta Letren Akademia Arteen eta Zientzien Ameriketako Estatu Batuetako Akademia
augustwilson.net

August Wilson (1945eko apirilaren 27a - 2005eko urriaren 2a) antzerkigile estatubatuarra izan zen. "Amerikako Beltzen antzerkiaren olerkari" deitu izan diote.^[1] Hogeigarren mendeko komunitate afro-amerikarraren bizipenak eta ondarea kontatzen zituen Pittsburgh Zikloa izeneko hamar antzezlaneko seriarengatik da ezaguna, batez ere. Serieko antzezlanen artean honako hauek aipa daitezke: Jitney (1982), Hesiak (Fences) (1984), Ma Raineyren behealde beltza (Ma Rainey's Black Bottom) (1984), Joe Turnerren etorrera eta irteera (Joe Turner Come and Gone) (1986), Piano ikasgaia (The Piano Lesson) (1987), eta Hedley II.a erregea (King Hedley II) (1999). Bere bi antzezlanek Pulitzer Saria Antzerkian jaso zuten, eta beste bi lanek antzezlan onenaren Tony saria irabazi zuten. 2006an Wilson AEBko Ospearen Antzerki Aretoan sartu zuten.

Bere obrek afro-amerikarren esperientzian eta gizakiaren egoeraren azterketan sakontzen dituzte. Beste gai batzuk ere jorratu ditu, hala nola afro-amerikarren esplotazio sistemikoa eta historikoa, eta baita arraza harremanak, identitatea, migrazioa eta arraza diskriminazioa ere. Bere lanek James Earl Jones, Denzel Washington, Viola Davis, Angela Bassett, Laurence Fishburne eta Samuel L. Jackson-en eszenatokietako hainbat emanaldi ikoniko marraztu dituzte. Davisek Wilsonen idazkera honela deskribatu zuen, "Gure umorea, gure ahultasunak, gure tragediak, gure traumak harrapatzen ditu. Eta humanizatu egiten gaitu. Eta hitz egiteko aukera ematen digu."^[2] Wilson hil zenetik bere antzezlanetako bi filmetara egokitu dira, Hesiak ( 2016), eta Ma Raineyren behealde beltza (2020). Denzel Washingtonek bideratu ditu filmak, eta bere ondarea jarraituko duela zin egin du, gainontzeko antzezlanak filmetara egokituz publiko zabalago baterako, "Nire ibilbidean geratzen den zatirik handiena August zaindua izango dela ziurtatzea da".^[3]

1. ↑ (Ingelesez) Isherwood, Charles. (2005). "August Wilson, Theater's Poet of Black America, Is Dead at 60". The New York Times ISBN ISSN 0362-4331..
2. ↑ (Ingelesez) "Denzel Washington on bringing August Wilson's "Ma Rainey's Black Bottom" to the screen". CBS News.
3. ↑ (Ingelesez) "Denzel Washington Wants Samuel L. Jackson to Star in Film of August Wilson's The Piano Lesson". Playbill.